ന്യൂഡല്ഹി: 2001ലെ ആക്രമണത്തിന്റെ വാര്ഷിക ദിനത്തില് പാര്ലമെന്റിനുള്ളില് ഉണ്ടായ സുരക്ഷാവീഴ്ച നമ്മുടെ ജനാധിപത്യ മൂല്യങ്ങള്ക്ക് നേരെയുള്ള അവഹേളനമാണെന്ന് ഡല്ഹി മുഖ്യമന്ത്രി അരവിന്ദ് കെജ്രിവാള്. ആക്രമണകാരികള് ആരാണെന്നും അവര് എങ്ങനെയാണ് അകത്ത് കടന്നതെന്നും അവരുടെ ഉദ്ദേശ്യങ്ങള് എന്താണെന്നും കണ്ടെത്താന് അടിയന്തര അന്വേഷണം അനിവാര്യമാണ്, നടപടി വേഗത്തിലും കര്ക്കശമായും ആയിരിക്കണമെന്നും കെജ്രിവാള് പറഞ്ഞു.
2001-ലെ പാര്ലമെന്റ് ആക്രമണത്തിന്റെ വാര്ഷികത്തോടനുബന്ധിച്ച് നടന്ന വലിയ സുരക്ഷാ വീഴ്ചയില്, ബുധനാഴ്ച രണ്ട് പേര് പൊതു ഗാലറിയില് നിന്ന് ലോക്സഭാ ചേമ്പറിലേക്ക് ചാടുകയും മഞ്ഞ നിറത്തിലുള്ള പുക പുറന്തള്ളുന്ന കാനിസ്റ്ററുകള് തുറന്നത് എംപിമാരില് പരിഭ്രാന്തി സൃഷ്ടിച്ചു. സംഭവത്തെ തുടര്ന്ന് ഉടന് സഭ നിര്ത്തിവച്ചു.
2001-ല് നമ്മുടെ പാര്ലമെന്റിന് നേരെയുണ്ടായ ആക്രമണം ഇന്ത്യ ഇപ്പോഴും ഓര്ക്കുന്നു. ഇന്നത്തെ സുരക്ഷാ ലംഘനം ആ കറുത്ത ദിനത്തിന്റെ വേദനാജനകമായ പ്രതിധ്വനിയാണെന്നും അദ്ദേഹം പറഞ്ഞു.
