ന്യൂഡല്ഹി: എല്ലാ പ്രശ്നങ്ങളിലും ജാതി വലിച്ചിഴക്കരുതെന്നും രാജ്യസഭയില് എപ്പോഴും തന്റെ ദലിത് ഉത്ഭവം ഉയര്ത്തിക്കാട്ടണോ എന്ന ചോദ്യവുമായി കോണ്ഗ്രസ് അധ്യക്ഷന് മല്ലികാര്ജുന് ഖാര്ഗെ.
രാജ്യസഭയില് പലപ്പോഴും സംസാരിക്കാന് എന്നെ അനുവദിക്കാറില്ല. ഞാന് ദളിതനായതുകൊണ്ടാണെന്നും ജാതിയുടെ പേരില് പുറത്തുള്ളവരെ പ്രകോപിപ്പിക്കരുതെന്നും അദ്ദേഹം പറഞ്ഞു. ഭരണഘടനാ പദവികള് വഹിക്കുന്നവര് തങ്ങളുടെ ജാതിയെക്കുറിച്ച് സംസാരിക്കുന്നത് രാജ്യത്തിന് വളരെ ദുഃഖകരമായ ദിവസമാണെന്ന് കോണ്ഗ്രസ് നേതാവ് അധീര് രഞ്ജന് ചൗധരി പറഞ്ഞു.
ഇത്തരമൊരു വിഷയം ഏറ്റെടുത്ത് പാര്ലമെന്റിന്റെ സുരക്ഷാവീഴ്ചയുടെ പ്രശ്നം കൈകഴുകാനാണ് സര്ക്കാര് ശ്രമിക്കുന്നതെന്നും അദ്ദേഹം കൂട്ടിച്ചേര്ത്തു.ഇനി എല്ലാവരും അവരുടെ ജാതി പ്രഖ്യാപിക്കുന്ന ലേബല് ധരിച്ച് സഞ്ചരിക്കണോ, അദ്ദേഹം ചോദിച്ചു.
പ്രധാനമന്ത്രി നരേന്ദ്ര മോദിയും ആഭ്യന്തര മന്ത്രി അമിത് ഷായും പാര്ലമെന്റിന്റെ സുരക്ഷാ വീഴ്ചയെക്കുറിച്ച് ഇരുസഭകളിലും സംസാരിക്കാതെ പുറത്ത് പരാമര്ശിച്ചതിന് സര്ക്കാര് മാപ്പ് പറയേണ്ടതല്ലേയെന്നും ഖാര്ഗെ ചോദിച്ചു.
