ജനുവരി 22 ന് അയോധ്യയിലെ രാമക്ഷേത്രത്തിന്റെ മഹാപ്രതിഷ്ഠാ ചടങ്ങിനുള്ള ക്ഷണങ്ങളെച്ചൊല്ലിയുള്ള രാഷ്ട്രീയ കോലാഹലങ്ങള്ക്കിടയില് പരിപാടിക്കായി ബിഹാര് മുഖ്യമന്ത്രി നിതീഷ് കുമാറിന് ക്ഷണക്കത്ത് അയച്ചതായി ക്ഷേത്രം ട്രസ്റ്റി കാമേശ്വര് ചൗപാല് പറഞ്ഞു. രാമക്ഷേത്ര പരിപാടിയിലേക്കുള്ള ക്ഷണം ലഭിക്കാത്തതില് പല ഉന്നത രാഷ്ട്രീയ നേതാക്കളും അതൃപ്തി പ്രകടിപ്പിച്ച സാഹചര്യത്തിലാണ് സംഭവവികാസം.
അതേ സമയം, ഉന്നത തലത്തിലുള്ള വിശിഷ്ട വ്യക്തികള്ക്കുള്ള സുരക്ഷാ പ്രോട്ടോക്കോളുകള് പാലിക്കാന് തടസ്സങ്ങള് ഉള്ളതിനാല് ക്ഷണിതാക്കളുടെ പട്ടിക ചെറുതാക്കി നിലനിര്ത്താന് രാമക്ഷേത്ര ട്രസ്റ്റ് തീരുമാനിച്ചു. മുഖ്യമന്ത്രിയെയും സംസ്ഥാനങ്ങളിലെ ഗവര്ണര്മാരെയും ക്ഷണപ്പട്ടികയില് ഉള്പ്പെടുത്തേണ്ടതില്ലെന്ന് ട്രസ്റ്റ് തീരുമാനിച്ചു. എന്നാല് ഇപ്പോള് എല്ലാ ദേശീയ പാര്ട്ടികളുടെയും ഉന്നത നേതൃത്വത്തെ പരിപാടിയിലേക്ക് ക്ഷണിച്ചിട്ടുണ്ട്.
