പ്രധാനമന്ത്രി നരേന്ദ്ര മോദിയുടെ ലക്ഷദ്വീപ് സന്ദര്ശനത്തിനു ശേഷം ലക്ഷദ്വീപിലെ പ്ലാറ്റ്ഫോം തിരയലുകളില് 3400% വര്ദ്ധനവ് ഉണ്ടായതായി ട്രാവല് കമ്പനിയായ മേക്ക് മൈട്രിപ്പ് അറിയിച്ചു. പ്രധാനമന്ത്രി നരേന്ദ്ര മോദിക്കെതിരെ മാലിദ്വീപ് യുവജന ശാക്തീകരണ ഉപമന്ത്രി മറിയം ഷിയൂന നടത്തിയ അപകീര്ത്തികരമായ പരാമര്ശങ്ങളുടെ പേരില് ഇന്ത്യയും മാലിദ്വീപും തമ്മില് നയതന്ത്ര തര്ക്കം പൊട്ടിപ്പുറപ്പെട്ട സാഹചര്യത്തിലാണ് ഈ സംഭവവികാസം. മാലദ്വീപ് മന്ത്രിയുടെ പരാമര്ശം ഇന്റര്നെറ്റില് ഒരു പ്രതിഷേധത്തിന് കാരണമായി, വിനോദസഞ്ചാരത്തിനായി ദ്വീപ് രാഷ്ട്രത്തെ ബഹിഷ്കരിക്കാന് ഇന്ത്യക്കാര് ആഹ്വാനം ചെയ്തു.
പ്രധാനമന്ത്രിയുടെ ലക്ഷദ്വീപ് സന്ദര്ശനത്തിനു ശേഷം നിരവധി ആളുകളാണ് ബീച്ചുകളോടുള്ള താല്പ്പര്യം കാണിക്കുന്നത്. രാജ്യത്തെ അതിശയിപ്പിക്കുന്ന ബീച്ചുകള് പര്യവേക്ഷണം ചെയ്യാന് സഞ്ചാരികളെ പ്രോത്സാഹിപ്പിക്കുന്നതിനായി പ്ലാറ്റ്ഫോമില് ഓഫറുകളും കിഴിവുകളും സഹിതം ‘ബീച്ച് ഓഫ് ഇന്ത്യ’ കാമ്പെയ്ന് ആരംഭിക്കാന് ഞങ്ങളെ പ്രേരിപ്പിച്ചുവെന്നും മേക്ക് മൈട്രിപ്പ് എക്സിലെ ഒരു പോസ്റ്റില് പറഞ്ഞു.
