ന്യൂഡല്ഹി: സോഷ്യല് മീഡിയ പ്ലാറ്റ്ഫോമുകള് വഴിയുള്ള ഐടി നിയമ ലംഘനങ്ങളെക്കുറിച്ച് ഉപയോക്താക്കള്ക്ക് അറിയിക്കാന് കഴിയുന്ന ഒരു പ്ലാറ്റ്ഫോം ഇലക്ട്രോണിക്സ് ആന്ഡ് ഇന്ഫര്മേഷന് ടെക്നോളജി മന്ത്രാലയം വികസിപ്പിക്കുമെന്ന് ഇലക്ട്രോണിക്സ് ആന്ഡ് ഐടി സഹമന്ത്രി രാജീവ് ചന്ദ്രശേഖര് പറഞ്ഞു.
ഐടി നിയമങ്ങളുടെ ലംഘനത്തെക്കുറിച്ച് വളരെ എളുപ്പത്തില് അറിയിക്കാനും എഫ്ഐആര് ഫയല് ചെയ്യുന്നതില് അവരെ സഹായിക്കാനും മെയിറ്റി ഉപയോക്താക്കളെ സഹായിക്കുമെന്ന് മന്ത്രി പറഞ്ഞു. സോഷ്യല് മീഡിയ പ്ലാറ്റ്ഫോമുകളുമായുള്ള കൂടിക്കാഴ്ചയ്ക്ക് ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
ഇടനിലക്കാരനെതിരെ എഫ്ഐആര് രജിസ്റ്റര് ചെയ്യുമെന്നും ഉള്ളടക്കം എവിടെ നിന്നാണ് ഉത്ഭവിച്ചതെന്ന വിശദാംശങ്ങള് അവര് വെളിപ്പെടുത്തിയാല് ഉള്ളടക്കം പോസ്റ്റ് ചെയ്ത സ്ഥാപനത്തിനെതിരെ എഫ്ഐആര് ഫയല് ചെയ്യുമെന്നും മന്ത്രി പറഞ്ഞു. ഐടി നിയമങ്ങള് അനുസരിച്ച് സോഷ്യല് മീഡിയ പ്ലാറ്റ്ഫോമുകള്ക്ക് അവയുടെ ഉപയോഗ നിബന്ധനകള് വിന്യസിക്കാന് ഏഴ് ദിവസത്തെ സമയം നല്കിയിട്ടുണ്ടെന്നും അദ്ദേഹം പറഞ്ഞു.
