ഡല്ഹിയില് കനത്ത മൂടല്മഞ്ഞിനെ തുടര്ന്ന് പലയിടങ്ങളിലും യെല്ലോ അലര്ട്ട് പ്രഖ്യാപിച്ചു. പഞ്ചാബ്, ഹരിയാന, ചണ്ഡീഗഡ്, ഉത്തര്പ്രദേശ്, രാജസ്ഥാന്, വടക്കന് മധ്യപ്രദേശ് എന്നീ ഉത്തരേന്ത്യയുടെ ചില ഭാഗങ്ങളില് അടുത്ത അഞ്ച് ദിവസത്തിനുള്ളില് വലിയ തോതില് മൂടല്മഞ്ഞ് ഉണ്ടാകുമെന്ന് പ്രതീക്ഷിക്കുന്നതായി ഇന്ത്യന് കാലാവസ്ഥാ വകുപ്പ് അറിയിച്ചു.
കൂടാതെ, അടുത്ത 24 മണിക്കൂറിനുള്ളില് ദേശീയ തലസ്ഥാനമായ ഡല്ഹിയിലും ചില സമീപ പ്രദേശങ്ങളിലും ഇടതൂര്ന്ന കനത്ത മൂടല്മഞ്ഞിന് സാക്ഷ്യം വഹിക്കാന് സാധ്യതയുള്ളതിനാല് ചൊവ്വാഴ്ച യെല്ലോ അലര്ട്ട് പുറപ്പെടുവിച്ചു. കഠിനമായ തണുപ്പ് വരെ തുടരാന് സാധ്യതയുണ്ടെന്നാണ് കാലാവസ്ഥാ വകുപ്പ് അറിയിച്ചിരിക്കുന്നത്.
