ബിജെപിയുടെ സര്ക്കാരിന് നാല് മുതിര്ന്ന അംഗങ്ങള് പിന്തുണ വാഗ്ദാനം ചെയ്തതോടെ അസമില് കോണ്ഗ്രസ് വലിയ പ്രശ്നമാണ് നേരിടുന്നത്. നാല് കോണ്ഗ്രസ് എംഎല്എമാര് ഹിമന്ത ബിശ്വ ശര്മ സര്ക്കാരിനെ പിന്തുണച്ചിട്ടുണ്ടെന്ന് പിജൂഷ് ഹസാരിക പറഞ്ഞു.
അതേ സമയം, രാഹുല് ഗാന്ധിയെ പരിഹസിച്ച് ഹിമന്ത ബിശ്വ ശര്മ്മ രംഗത്തെത്തി. രാഹുലിനുള്ള തന്റെ സമ്മാനമാണ് എംഎല്എമാരുടെ പിന്തുണയെന്ന് ഹിമന്ത പറഞ്ഞു. രാഹുല് ഗാന്ധിയെ കളിയാക്കാനുള്ള അവസരം ഹിമന്ത പാഴാക്കിയില്ല.
കോണ്ഗ്രസ് പാര്ട്ടിയുടെ നാല് എം.എല്.എമാര് അസമിലെ ബി.ജെ.പി സര്ക്കാരിന് പിന്തുണ വാഗ്ദാനം ചെയ്തതിന് പിന്നാലെയാണ് അസം മുഖ്യമന്ത്രി ഹിമന്ത ബിശ്വ ശര്മ്മയുടെ ഏറ്റവും പുതിയ ആക്ഷേപം. അസം സര്ക്കാരിനെ പിന്തുണച്ചുകൊണ്ട് എംഎല്എമാര് കോണ്ഗ്രസിനെ കീറിമുറിക്കുകയാണുണ്ടായതെന്നും ഹിമന്ത പരിഹസിച്ചു.
