റാഞ്ചി: ലോകസഞ്ചാരത്തിന്റെ ഭാഗമായി ഇന്ത്യയിലെത്തിയ സ്പാനിഷ് വ്ളോഗറായ 28 കാരിയെ കൂട്ടബലാല്സംഗം ചെയ്ത സംഭവത്തില് 4 പേര് അറസ്റ്റില്. 7 പേര് ചേര്ന്നാണ് യുവതിയെ ക്രൂരമായി പീഡിപ്പിച്ചത്. ജാര്ഖണ്ഡിലെ ദുംകയില് വെച്ചായിരുന്നു സംഭവം.
യൂട്യൂബില് 2 ലക്ഷം ഫോളോവേഴ്സുള്ള വ്ളോഗറാണ് ഇന്ത്യയില് വച്ച് പീഡിപ്പിക്കപ്പെട്ടത്. യുവതിയുടെ പങ്കാളിയെയും സംഘം ചേര്ന്ന് ആക്രമിച്ച് പരുക്കേല്പിച്ചിട്ടുണ്ട്. ഇരുവരുടേയും സാധനങ്ങള് മോഷ്ടിക്കുകയും യുവതിയെ പീഡിപ്പിക്കുകയുമായിരുന്നു സംഘം. 5 വര്ഷമായി വിവിധ രാജ്യങ്ങളിലൂടെ യാത്ര ചെയ്ത ശേഷമാണ് 28 കാരി ഇന്ത്യയിലെത്തിയത്. ബൈക്കില് നടത്തുന്ന ലോകസഞ്ചാരത്തിന്റെ ഭാഗമായാണ് ഇവര് ഇന്ത്യയിലെത്തിയത്. നേപ്പാളിലേക്കുള്ള യാത്രയുടെ ഭാഗമായി ഇവര് ജാര്ഖണ്ഡിലെ ദുംകയില് ഒരു ടെന്റ് ഒരുക്കിയിരുന്നു. അവിടെവച്ചാണ് ആക്രമണം നടന്നത്.
