മാര്ച്ച് ഒന്നിന് ബംഗളൂരുവിലെ രാമേശ്വരം കഫേയില് സ്ഫോടനം നടത്തിയതായി സംശയിക്കുന്നയാളെ കുറിച്ച് വിവരം നല്കുന്നവര്ക്ക് ദേശീയ അന്വേഷണ ഏജന്സി 10 ലക്ഷം രൂപ പാരിതോഷികം പ്രഖ്യാപിച്ചു.
കഫേയില് പ്രവേശിക്കുമ്പോള് തൊപ്പിയും മാസ്കും ഗ്ലാസും ധരിച്ച ബോംബര് എന്ന് സംശയിക്കുന്നയാളുടെ ചിത്രം എന്ഐഎ പുറത്തുവിട്ടിട്ടുണ്ട്. അജ്ഞാത വ്യക്തിയെക്കുറിച്ച് ആളുകള്ക്ക് വിവരങ്ങള് അയയ്ക്കാന് കഴിയുന്ന ഫോണ് നമ്പറുകളും ഇമെയിലുകളും ഏജന്സി പങ്കിട്ടു.
വിവരം നല്കുന്നവരുടെ വിവരങ്ങള് രഹസ്യമായി സൂക്ഷിക്കുമെന്ന് എന്ഐഎ ഉറപ്പ് നല്കി. കഫേയിലുണ്ടായ സ്ഫോടനത്തിന്റെ അന്വേഷണം ഈ ആഴ്ച ആദ്യം എന്ഐഎയ്ക്ക് കൈമാറിയിരുന്നു. മാര്ച്ച് ഒന്നിന് ഈസ്റ്റ് ബെംഗളൂരുവിലെ ബ്രൂക്ക്ഫീല്ഡിലെ രാമേശ്വരം കഫേയിലുണ്ടായ സ്ഫോടനത്തില് 10 പേര്ക്ക് പരിക്കേറ്റിരുന്നു.
