ഉത്തര്പ്രദേശിലെ ബദൗണിലെ ബാബ കോളനിയില് രണ്ട് കുട്ടികളെ ഒരാള് വീട്ടില് കയറി വെട്ടിക്കൊലപ്പെടുത്തി. 11 വയസും ആറും വയസ്സുള്ള രണ്ട് കുട്ടികള് കെട്ടിടത്തിന്റെ ടെറസില് കളിച്ചു കൊണ്ടിരിക്കുമ്പോഴാണ് സംഭവം.
പ്രതിയെ കസ്റ്റഡിയില് എടുത്തെങ്കിലും പ്രതി രക്ഷപെടാന് ശ്രമിക്കവേ പൊലീസുമായുണ്ടായ ഏറ്റുമുട്ടലില് ഇയാള്ക്കു വെടിയേല്ക്കുകയായിരുന്നു. പ്രതി സംഭവസ്ഥലത്തു വെച്ച് തന്നെ മരിച്ചുവെന്ന് ബറേലി ഇന്സ്പെക്ടര് രാകേഷ് കുമാര് റിപ്പോര്ട്ട് ചെയ്തു.
ഇന്നലെ രാത്രി ഏഴരയോടെയാണ് പ്രതി സാജിദ് വീട്ടില് കയറി കുട്ടികള് കളിക്കുന്ന ടെറസിലേക്ക് പോയത്. ഇയാള് രണ്ട് കുട്ടികളെ ആക്രമിച്ച് കൊലപ്പെടുത്തുകയായിരുന്നു. തുടര്ന്ന് ആള്ക്കൂട്ടം തടഞ്ഞുനിര്ത്താന് ശ്രമിച്ചെങ്കിലും അയാള് ഇറങ്ങിവന്നു. പക്ഷേ അയാള് ഓടി രക്ഷപ്പെട്ടു. പ്രതി രക്ഷപ്പെട്ടു എന്നറിഞ്ഞപ്പോള് പോലീസ് സംഘങ്ങള് നടപടികളിലേക്ക് നീങ്ങി. പ്രതി പോലീസിന് നേരെ വെടിയുതിര്ക്കുകയും പ്രതികാര വെടിവെപ്പില് കൊല്ലപ്പെടുകയും ചെയ്തു.
