ഡല്ഹി: മലിനീകരണം തടയുന്നതിനും വായുവിന്റെ ഗുണനിലവാരം മെച്ചപ്പെടുത്തുന്നതിനുമായി കമ്മീഷന് ഫോര് എയര് ക്വാളിറ്റി മാനേജ്മെന്റ് അനുസരിച്ച് ഇന്ന് മുതല് ഡല്ഹിക്കും ദേശീയ തലസ്ഥാന മേഖലയ്ക്കും ഇടയില് സിഎന്ജി, ഇലക്ട്രിക്, ബിഎസ്-6കംപ്ലയിന്റ് ഡീസല് ബസുകള് മാത്രമേ അനുവദിക്കൂ. മേഖലകളിലെ വര്ദ്ധിച്ചുവരുന്ന മലിനീകരണ തോത് ചെറുക്കുന്നതിനുമായി ഡല്ഹി-എന്സിആര് അധികാരികള്ക്കെല്ലാം നിര്ദ്ദേശങ്ങള് അയച്ചിട്ടുണ്ട്.
ഇന്ന് മുതല്, ഡല്ഹിക്കും രാജസ്ഥാന്, ഹരിയാന, ഉത്തര്പ്രദേശ് എന്നിവിടങ്ങളിലെ മറ്റ് നഗരങ്ങള്ക്കും ഇടയില് എന്സിആര് മേഖലയില് വരുന്ന എല്ലാ ബസുകള്ക്കും നിയമം ബാധകമാണെന്നാണ് അധികാരികള് അറിയിക്കുന്നത്. 2024 ജനുവരി 1 മുതല് രാജസ്ഥാനിലെ എന്സിആര് ഇതര പ്രദേശങ്ങള്ക്കിടയില് നിന്ന് ഡല്ഹിയിലേക്ക് സര്വീസ് നടത്തുന്ന ബസുകള് ഇവി, സിഎന്ജി അല്ലെങ്കില് ബിഎസ്-വിഐ ഡീസല് ബസുകളായിരിക്കണമെന്നും നിര്ദ്ദേശത്തില് പറയുന്നു.
