ഇടുക്കി: കുമളി-മൂന്നാര് സംസ്ഥാന പാതയില് വീണ്ടും പടയപ്പയിറങ്ങി. ഹാര്ട്ടിന് സമീപമുള്ള ടോള് ബൂത്തിനടുത്താണ് നിലവില് ആനയുള്ളത്. പ്രത്യേക സംഘം ഇപ്പോള് പടയപ്പയെ നിരീക്ഷിക്കുന്ന ദൗത്യം തുടരുകയാണ്. ഡ്രോണ് അടക്കം ഉപയോഗപ്പെടുത്തിയാണ് വനംവകുപ്പ് ആനയെ നിരീക്ഷിക്കുന്നത്. അത്യാധുനിക സംവിധാനം ഉള്ള ഡ്രോണ് ഉപയോഗിച്ചാണ് വനംവകുപ്പിന്റെ നിരീക്ഷണം.
കഴിഞ്ഞ കുറച്ചു നാളുകളായി ജനവാസ മേഖലയില് തുടരുന്ന പടയപ്പ വ്യാപക നാശം വിതച്ചതോടെയാണ് കാട്ടാനയെ നിരീക്ഷിക്കുവാന് പ്രത്യേക സംഘത്തെ നിയോഗിച്ചിരിക്കുന്നത്. ഹൈറേഞ്ച് സര്ക്കിള് സിസിഎഫ് നേരിട്ട് എത്തിയാണ് ദൗത്യത്തിന് നേതൃത്വം നല്കുന്നത്. രാത്രികാലത്തടക്കം ആനയെ നിരീക്ഷിക്കുന്നതിനാണ് വനം വകുപ്പിന്റെ നീക്കം.
