അബുദാബിയില് ജോലി ചെയ്യുന്ന സ്ഥാപനത്തില് നിന്ന് ഒന്നരക്കോടിയോളം തിരിമറി നടത്തി കണ്ണൂര് സ്വദേശിയായ യുവാവ് മുങ്ങിയതായി പരാതി. ഖാലിദിയ മാളിലെ ലുലു ഹൈപ്പര് മാര്ക്കറ്റ് ക്യാഷ് ഓഫീസ് ഇന് ചാര്ജായി ജോലി ചെയ്തു വരികയായിരുന്ന കണ്ണൂര് നാറാത്ത് സുഹറ മന്സിലില് പുതിയ പുരയില് മുഹമ്മദ് നിയാസ് (38) ആണ് മുങ്ങിയതായി പോലീസില് പരാതി ലഭിച്ചത്.
ഒന്നര കോടിയോളം രൂപ(ആറ് ലക്ഷം ദിര്ഹം) അപഹരിച്ചതായാണ് പരാതി. ഈ മാസം 25ന് ഉച്ചയ്ക്കുള്ള ഡ്യൂട്ടിക്ക് ഹാജരാകേണ്ടിയിരുന്ന നിയാസിന്റെ അസാന്നിധ്യം ശ്രദ്ധയില്പ്പെട്ടതോടെയാണ് ഹൈപ്പര് മാര്ക്കറ്റ് അധികൃതര് അന്വേഷണംമാരംഭിച്ചത്. മൊബൈലില് ബന്ധപ്പെടാന് ശ്രമിച്ചെങ്കിലും അത് സ്വിച്ച്ഡ് ഓഫായിരുന്നു. തുടര്ന്ന് നടത്തിയ പരിശോധനയില് ക്യാഷ് ഓഫിസില് നിന്ന് 6 ലക്ഷം ദിര്ഹത്തിന്റെ കുറവ് അധികൃതര് കണ്ടുപിടിച്ചത്. പോലീസ് നിയാസിന് വേണ്ടിയുള്ള അന്വേഷണത്തിലാണ്.
