തൃശൂര്: സംസ്ഥാനത്ത് വീണ്ടും വന്യജീവി ആക്രമണത്തില് ഒരാള് കൂടി മരിച്ചു. വാല്പ്പാറയില് കാട്ടുപോത്ത് ആക്രമണത്തില് തോട്ടം തൊഴിലാളിയായ ഷോളയാര് ഡാമിനോട് ചേര്ന്നുള്ള മുരുകാളി എസ്റ്റേറ്റിലെ അരുണ് (51) ആണ് മരിച്ചത്.
ഇന്ന് രാവിലെയാണ് സംഭവം. താമസസ്ഥലത്ത് നിന്ന് ജോലിക്ക് പോകുമ്പോഴായിരുന്നു അരുണിനെ കാട്ടുപോത്ത് ആക്രമിച്ചത്. തോട്ടത്തില് മറഞ്ഞുനിന്ന കാട്ടുപോത്ത് പാഞ്ഞെത്തി അരുണിനെ ഇടിച്ചുവീഴ്ത്തുകയായിരുന്നു. കുറച്ചുനേരം അവിടെ തന്നെ നിലയുറപ്പിച്ച ശേഷമാണ് കാട്ടുപോത്ത് തിരിഞ്ഞുപോയത്.
