തിരുവനന്തപുരം: റംസാന് – വിഷു ചന്തകള് നാളെ ഉച്ചമുതല് ആരംഭിക്കുമെന്ന് കണ്സ്യൂമര് ഫെഡ് അറിയിച്ചു. നഷ്ടപ്പെട്ട നാലുദിവസങ്ങള് കൂടി ഉള്പ്പെടുത്തി എട്ടുദിവസം ചന്ത ഉണ്ടായിരിക്കും.
സംസ്ഥാനത്ത് റംസാന്-വിഷു വിപണന മേളകള് നടത്താന് കണ്സ്യൂമര്ഫെഡിന് ഹൈക്കോടതി ഉപാധികളോടെ അനുമതി നല്കിയിരുന്നു. ചന്തകളുടെ നടത്തിപ്പില് തെരഞ്ഞെടുപ്പ് പെരുമാറ്റ ചട്ടലംഘനം കണ്ടെത്തിയാല് തെരഞ്ഞെടുപ്പ് കമ്മീഷന് ഇടപെടാനുള്ള പൂര്ണ്ണ സ്വാതന്ത്ര്യമുണ്ടെന്നും ഹൈക്കോടതി വ്യക്തമാക്കി.
