ദില്ലി: രാജസ്ഥാനില് നരേന്ദ്ര മോദി നടത്തിയ തിരഞ്ഞെടുപ്പ് പ്രസംഗത്തിലെ മുസ്ലീം പരാമര്ശത്തില് പ്രതികരിക്കാനില്ലെന്ന് തെരഞ്ഞെടുപ്പ് കമ്മീഷന്. പ്രതിപക്ഷം നടപടിയാവശ്യം ശക്തമാക്കുന്നതിനിടെയാണ് തെരഞ്ഞെടുപ്പ് കമ്മീഷന്റെ പ്രതികരണം. അതേ സമയം, പരാമര്ശത്തില് മോദിക്കെതിരെ പരാതി കിട്ടിയോ എന്ന ചോദ്യത്തിനും കമ്മീഷന് മറുപടി നല്കിയില്ല. കോണ്ഗ്രസ് സമ്പത്ത് പുനര്വിതരണം ചെയ്യും എന്ന പ്രധാനമന്ത്രി നരേന്ദ്ര മോദിയുടെ പ്രസ്താവനയ്ക്കെതിരെ ആഞ്ഞടിച്ച രാജ്യസഭാ എംപി കപില് സിബല്, ഇന്ത്യയുടെ ചരിത്രത്തില് രാഷ്ട്രീയ വ്യവഹാരം ഇത്രയും താഴ്ന്ന നിലയിലേക്ക് പോയിട്ടില്ലെന്നും ഇക്കാര്യത്തില് നടപടിയെടുക്കാന് തിരഞ്ഞെടുപ്പ് കമ്മീഷനോട് ആവശ്യപ്പെടുകയും ചെയ്തിരുന്നു.
തെരഞ്ഞെടുപ്പ് കമ്മീഷന് നിഷ്പക്ഷമായ നിലപാട് സ്വീകരിക്കുന്നില്ലെന്ന വിമര്ശനം ശക്തമാകുന്നതിനിടെയാണ് മോദിയുടെ പരാമര്ശത്തിലും പ്രതികരിക്കാനില്ലെന്ന കമ്മീഷന്റെ ഒഴിഞ്ഞുമാറ്റം. കോണ്ഗ്രസ് അധികാരത്തിലെത്തിയാല് രാജ്യത്തിന്റെ സമ്പത്ത് മുഴുവന് മുസ്ലീംങ്ങള്ക്ക് നല്കുമെന്ന പ്രധാനമന്ത്രിയുടെ പുതിയ തെരഞ്ഞെടുപ്പ് പ്രസംഗമാണ് വലിയ വിവാദത്തിലായത്. മുസ്ലിംങ്ങളെന്ന് പ്രത്യേകം പരാമര്ശിച്ച് വര്ഗീയത പരത്തുന്ന പ്രസംഗമാണ് മോദി നടത്തിയത്. വിദ്വേഷ പ്രസംഗത്തിലൂടെ പെരുമാറ്റച്ചട്ട ലംഘനം നടത്തി. പ്രധാനമന്ത്രിക്കെതിരെ ശക്തമായ നിലപാട് കമ്മീഷന് സ്വീകരിക്കണമെന്നും പ്രതിപക്ഷ പാര്ട്ടികള് ആവശ്യപ്പെടുന്നു.
