തിരുവനന്തപുരം: സംസ്ഥാനത്ത് വെള്ളിയാഴ്ച വരെ ഉയര്ന്ന താപനില മുന്നറിയിപ്പ് നല്കി കേന്ദ്ര കാലാവസ്ഥ വകുപ്പ് . ഈ ദിവസങ്ങളില് പാലക്കാട് ജില്ലയില് ഉയര്ന്ന താപനില 41 ഡിഗ്രി സെല്ഷ്യസ് വരെയും കൊല്ലം, തൃശൂര് ജില്ലകളില് 40ഡിഗ്രി സെല്ഷ്യസ് വരെയും കോഴിക്കോട് ജില്ലയില് 39ഡിഗ്രി സെല്ഷ്യസ് വരെയുമാണ് താപനില.
ആലപ്പുഴ, പത്തനംതിട്ട, കോട്ടയം, കണ്ണൂര് ജില്ലകളില് 38ഡിഗ്രി സെല്ഷ്യസ് വരെയും എറണാകുളം, മലപ്പുറം, കാസര്കോട് ജില്ലകളില് 37ഡിഗ്രി സെല്ഷ്യസ് വരെയും തിരുവനന്തപുരം ജില്ലയില് 36ഡിഗ്രി സെല്ഷ്യസ് വരെയും രേഖപ്പെടുത്താന് സാധ്യതയെന്നും കേന്ദ്ര കാലാവസ്ഥ വകുപ്പ് അറിയിച്ചു. ഉയര്ന്ന താപനിലയും ഈര്പ്പമുള്ള വായുവും കാരണം ഈ ജില്ലകളില്, മലയോര മേഖലകളിലൊഴികെ ഈ ദിവസങ്ങളില് ചൂടും ഈര്പ്പവുമുള്ള കാലാവസ്ഥയ്ക്കും സാധ്യതയുണ്ട്.
