തിരുവനന്തപുരം: കേരളത്തില് ശക്തമായ മഴ തുടരുമെന്ന് കേന്ദ്ര കാലാവസ്ഥാ വകുപ്പ്. തെക്ക് കിഴക്കന് ചക്രവാതച്ചുഴി രൂപപ്പെട്ടതിനാല് ഇന്ന് ആറ് ജില്ലകളിലും നാളെ നാല് ജില്ലകളിലും യെല്ലോ അലേര്ട്ട് പ്രഖ്യാപിച്ചിട്ടുണ്ട്. വിവിധ ജില്ലകളില് ജാഗ്രതാ നിര്ദേശം നല്കിയിട്ടുണ്ട്. കേരളത്തില് അടുത്ത 3 – 4 ദിവസം വ്യാപകമായ മഴക്ക് സാധ്യതയുണ്ട്. നവംബര് 7 മുതല് 9 വരെ ഒറ്റപ്പെട്ട സ്ഥലങ്ങളില് ശക്തമായ മഴയ്ക്കും സാധ്യതയുണ്ടെന്നാണ് അറിയിപ്പ്.
