കൊച്ചി: മലയാളത്തിന്റെ പ്രിയനടന് മോഹന്ലാല് ദേഹാസ്വാസ്ഥ്യത്തെ തുടര്ന്ന് ആശുപത്രിയില്. അഞ്ചുദിവസത്തെ നിര്ബന്ധിത വിശ്രമം വേണമെന്നാണ് ഡോക്ടര്മാരുടെ നിര്ദ്ദേശം. പനിയും ശ്വാസതടസവും നേരിട്ടതിനെ തുടര്ന്ന് ഇന്ന് രാവിലെയാണ് മോഹന്ലാലിനെ ആശുപത്രിയില് പ്രവേശിപ്പിച്ചത്. കൊച്ചിയിലെ സ്വകാര്യ ആശുപത്രിയില് ചികിത്സയിലാണ് താരം. ആശുപത്രി അധികൃതരാണ് ചികിത്സ വിവരം പുറത്തുവിട്ടത്.
ശ്വാസകോശ സംബന്ധമായ അണുബാധയെന്നാണ് സംശയം. തിരക്കുള്ള സ്ഥലങ്ങളില് സന്ദര്ശനം ഒഴിവാക്കണമെന്ന് നിര്ദേശിച്ചിട്ടുണ്ട്. അദ്ദേഹം ആരോഗ്യം വീണ്ടെടുക്കുകയാണെന്ന് ആശുപത്രി അധികൃതര് മെഡിക്കല് ബുള്ളറ്റിനില് പറഞ്ഞു. ഡോ. ഗിരീഷ് കുമാര് ആണ് താരത്തെ ചികിത്സിച്ചിക്കുന്നതെന്നാണ് റിപ്പോര്ട്ട്. മോഹന്ലാലിനെ ചികിത്സിക്കുന്ന ഡോക്ടറുടെ കുറിപ്പ് ആശുപത്രി അധികൃതര് പുറത്തിവിട്ടുണ്ട്. പനിക്ക് പുറമേ മസില് വേദനയും താരത്തിന് ഉണ്ടെന്നും മെഡിക്കല് സര്ട്ടിഫിക്കറ്റില് വ്യക്തമാക്കിയിട്ടുണ്ട്.
