കൊല്ക്കത്ത: പാലേരിമാണിക്യം എന്ന സിനിമയില് അഭിനയിക്കാനെത്തിയപ്പോള് സംവിധായകന് രഞ്ജിത്ത് മോശമായി പെരുമാറിയ സംഭവത്തില് മാപ്പുപറയണമെന്ന് ബംഗാളി നടി ശ്രീലേഖ മിത്ര. തെറ്റുപറ്റി എന്നെങ്കിലും രഞ്ജിത്ത് സമ്മതിക്കണം. ഓഡിഷന് ആയിട്ടല്ല, അഭിനയിക്കാനായിട്ടാണ് കേരളത്തില് എത്തിയത്. കേരളത്തില് വന്ന് പരാതി നല്കാന് ബുദ്ധിമുട്ടുണ്ട്. കേരളത്തില് നിന്നും ആരെങ്കിലും സഹായിച്ചാല് നടപടിയുമായി മുന്നോട്ടുപോകുമെന്നും ശ്രീലേഖ മിത്ര പറഞ്ഞു.
ചിത്രത്തിന്റെ അണിയറപ്രവര്ത്തകരുമായി ഒരു പാര്ട്ടി സംഘടിപ്പിച്ചിരുന്നു. അവിടെ എത്തിയപ്പോള് റൂമിലേക്ക് ക്ഷണിച്ചു. സിനിമയെ കുറിച്ച് ചര്ച്ച ചെയ്യാനാണെന്നാണ് കരുതിയത്. എന്നാല് റൂമിലെത്തിയതും രഞ്ജിത്ത് കൈയിലെ വളകളില് പിടിച്ചു. തുടര്ന്ന് രഞ്ജിത്ത് കഴുത്തിലും മുടിയിലും തലോടി. ഉടനെ തന്നെ റൂമില് നിന്ന് ഞാന് ഇറങ്ങി. ആ രാത്രി പേടിയോടെയാണ് ഹോട്ടല് മുറിയില് കഴിഞ്ഞതെന്നും ശ്രീലേഖ മിത്ര വെളിപ്പെടുത്തിയിരുന്നു.
എന്നാല്, ഓഡിഷനായിട്ടാണ് ശ്രീലേഖ എത്തിയതെന്നായിരുന്നു രഞ്ജിത്ത് പറഞ്ഞത്. നടിയോട് മോശമായി താന് പെരുമാറിയിട്ടില്ലെന്നും രഞ്ജിത്ത് വ്യക്തമാക്കിയിരുന്നു.
