തിരുവനന്തപുരം: യുവനടി രേവതി സമ്പത്തിന്റെ പരാതിയില് നടന് സിദ്ദിഖിനെതിരെ കേസെടുത്തു. ബലാത്സംഗം, ഭീഷണിപ്പെടുത്തല് തുടങ്ങിയവ ചുമത്തി മ്യൂസിയം പൊലീസാണ് കേസെടുത്തിരിക്കുന്നത്. കേസ് പ്രത്യേക സംഘത്തിന് ഉടന് കൈമാറും. കഴിഞ്ഞ ദിവസമാണ് സിദ്ദിഖിനെതിരായ ആരോപണത്തില് നടി പരാതി നല്കിയത്. ആരോപണത്തിന് പിന്നാലെ സിദ്ദിഖ് എഎംഎംഎ ജനറല് സെക്രട്ടറി സ്ഥാനത്ത് നിന്നും രാജി വെച്ചിരുന്നു.
അതേ സമയം, ആരോപണത്തില് നടിക്കെതിരെയും സിദ്ദിഖ് പരാതി നല്കിയിട്ടുണ്ട്. ആരോപണത്തിന് പിന്നില് പ്രത്യേക അജണ്ടയുണ്ട്. ഇത് അന്വേഷിക്കണമെന്നാണ് സിദ്ദിഖ് പരാതിയില് ആവശ്യപ്പെടുന്നത്. ഡിജിപിക്കാണ് സിദ്ദിഖ് പരാതി നല്കിയത്. വ്യത്യസ്ത സമയങ്ങളിലാണ് രേവതി സമ്പത്ത് ആരോപണം ഉന്നയിക്കുന്നത്. ബലാത്സംഗ ആരോപണം ഉന്നയിച്ചത് ഇപ്പോള് മാത്രമാണ്. ആരോപണള്ക്ക് പിന്നില് നിക്ഷിപ്ത താത്പര്യമാണെന്നും പരാതിയില് സിദ്ദിഖ് ആരോപിച്ചിരുന്നു.
