തിരുവനന്തപുരം: പീഡന പരാതിയില് നടന് സിദ്ദിഖിനെ ഉടന് ചോദ്യം ചെയ്തേക്കും. സംഭവത്തില് കൂടുതല് തെളിവുകള് ശേഖരിക്കുകയാണ് അന്വേഷണ സംഘം. പീഡനം നടന്നെന്ന് ആരോപിക്കുന്നത് മസ്ക്കറ്റ് ഹോട്ടലില് വെച്ചാണ്. അവിടുത്തെ രേഖകള് അന്വേഷ സംഘത്തിന് മുന്നില് ഹാജരാക്കും. 2016 ജനുവരിയിലെ രജിസ്റ്റര് അടക്കമുള്ള രേഖകളാണ് പരിശോധിക്കുക.
ആരോപണത്തില് നടിക്കെതിരെയും സിദ്ദിഖ് പരാതി നല്കിയിട്ടുണ്ട്. ആരോപണത്തിന് പിന്നില് പ്രത്യേക അജണ്ടയുണ്ട്. ഇത് അന്വേഷിക്കണമെന്നാണ് സിദ്ദിഖ് പരാതില് ആവശ്യപ്പെടുന്നത്. ഡിജിപിക്കാണ് സിദ്ദിഖ് പരാതി നല്കിയത്. വ്യത്യസ്ത സമയങ്ങളിലാണ് രേവതി സമ്പത്ത് ആരോപണം ഉന്നയിക്കുന്നത്. ബലാത്സംഗ ആരോപണം ഉന്നയിച്ചത് ഇപ്പോള് മാത്രമാണ്. ആരോപണള്ക്ക് പിന്നില് നിക്ഷിപ്ത താത്പര്യമാണെന്നും പരാതിയില് സിദ്ദിഖ് ആരോപിച്ചിരുന്നു.
