തിരുവനന്തപുരം: നടന് സിദ്ധിഖിനെതിരെയുള്ള ബലാത്സംഗ കേസില് നിര്ണായത തെളിവുകളുമായി പ്രത്യേക അന്വേഷണ സംഘം. തിരുവനന്തപുരത്തെ മസ്കറ്റ് ഹോട്ടലില് ഒരേ സമയം ഇരുവരും ഉണ്ടായിരുന്നതിന്റെ വിവരങ്ങളാണ് പൊലീസിന് ലഭിച്ചത്. മസ്കറ്റ് ഹോട്ടലിലെ രജിസ്റ്ററില് സിദ്ദിഖിന്റെയും നടിയുടേയും പേരുകളുണ്ടെന്ന് അന്വേഷണസംഘം സ്ഥിരീകരിച്ചു. ഇതോടെ കേസില് സിദ്ധിഖിനെതിരെയുള്ള കുരുക്ക് മുറുകുകയാണ്.
കന്റോണ്മെന്റ് അസിസ്റ്റന്റ് കമ്മീഷണറുടെ നേതൃത്വത്തിലായിരുന്നു ഹോട്ടലില് പരിശോധന നടത്തി തെളിവു ശേഖരിച്ചത്. 2016-ല് സിദ്ദിഖ് ഹോട്ടലില് വെച്ച് പീഡിപ്പിച്ചെന്നാണ് നടി പരാതി പറഞ്ഞിരുന്നത്. കേസില് യുവനടി നല്കിയ മൊഴിയുടെ വിശദാംശങ്ങള് പുറത്തുവന്നിരുന്നു. സിനിമയെക്കുറിച്ച് ചര്ച്ചചെയ്യാനെന്ന് പറഞ്ഞ് സിദ്ദിഖ് തിരുവനന്തപുരത്തെ മസ്കറ്റ് ഹോട്ടലിലേക്ക് ക്ഷണിച്ചു. ഇതിന്റെ അടിസ്ഥാനത്തില് ഹോട്ടലിലെ റിസപ്ഷനില് അതിഥി രജിസ്റ്ററില് ഒപ്പു വെച്ചശേഷമാണ് സിദ്ദിഖിന്റെ മുറിയിലേക്ക് പോയത് എന്നും നടി പൊലീസിന് മൊഴി നല്കിയിരുന്നു.
