തിരുവനന്തപുരം: വെള്ളറടയില് വാഹനാപകടത്തില് പരിക്കേറ്റയാളെ റോഡരികിലെ മുറിയില് പൂട്ടിയിട്ടു. പരിക്കേറ്റ കലിങ്ക്നട സ്വദേശി സുരേഷ് (52) മുറിക്കുള്ളില് കിടന്ന് മരിച്ചു. കഴിഞ്ഞ ശനിയാഴ്ചയാണ് അപകടമുണ്ടായത്.
പരിക്കേറ്റ സുരേഷിനെ മുറിയില് പൂട്ടിയശേഷം വാഹനത്തിലുണ്ടായിരുന്നവര് കടന്നുകളയുകയായിരുന്നു. ദുര്ഗന്ധം വമിച്ചതിനെ ത്തുടര്ന്ന് നാട്ടുകാര് മുറിയുടെ ജനാല തുറന്നു നോക്കിയപ്പോഴാണ് മൃതദേഹം കണ്ടത്. റോഡരികില് നിന്ന സുരേഷിനെ വാഹനം ഇടിച്ചിടുകയായിരുന്നു എന്നാണ് റിപ്പോര്ട്ട്.
സുരേഷ് വാടകയ്ക്ക് താമസിച്ചുകൊണ്ടിരുന്ന മുറിയില് തന്നെയാണ് മൃതദേഹം കണ്ടത്. മുറിക്ക് തൊട്ടുമുമ്പില് വെച്ചായിരുന്നു അപകടം. മുറി പുറത്തു നിന്നും പൂട്ടിയ നിലയിലായിരുന്നു. റോഡില് സുരേഷ് ഇടിയേറ്റു വീഴുന്നതിന്റെ സിസിടിവി ദൃശ്യം പൊലീസിന് ലഭിച്ചിട്ടുണ്ട്.
