പാലക്കാട്: കല്ലടിക്കോട് കാറും ലോറിയും കൂട്ടിയിടിച്ചുണ്ടായ അപകടത്തില് അഞ്ച് മരണം. മണ്ണാന്തറ സ്വദേശികളായ കെ കെ വിജേഷ്, വിഷ്ണു, രമേശ്, കാങ്ങാട് മണിക്കശേരി സ്വദേശി മുഹമ്മദ് അഫ്സല്, കാരാക്കുറിശ്ശി സ്വദേശി മഹേഷ് എന്നിവരാണ് മരിച്ചത്. അഞ്ച് പേരും സൃഹൃത്തുക്കളാണ്. ഭക്ഷണം കഴിക്കാനോ മറ്റോ കാറില് പുറത്തേക്ക് ഇറങ്ങിയപ്പോഴാണ് അപകടമെന്ന് നാട്ടുകാര് പ്രതികരിച്ചു.
അപകടം സംഭവിച്ച് മൂന്ന് മണിക്കൂറുകള്ക്ക് ശേഷമാണ് അഞ്ച് പേരെയും തിരിച്ചറിയാനായത്. കല്ലടിക്കോട് അയ്യന്പ്പന്കാവ് ക്ഷേത്രത്തിന് സമീപത്തുവെച്ചായിരുന്നു അപകടമുണ്ടായത്. പാലക്കാട് നിന്നും മണ്ണാര്ക്കാടേക്ക് വരികയായിരുന്ന കാറും എതിര് ദിശയില് നിന്നും വന്ന ലോറിയും കൂട്ടിയിടിച്ചായിരുന്നു അപകടം. കാറിലുണ്ടായിരുന്നവര് വാഹനത്തിനുള്ളില് കുടുങ്ങിക്കിടക്കുകയായിരുന്നു. തുടര്ന്ന് വാഹനം വെട്ടിപ്പൊളിച്ചാണ് ഇവരെ പുറത്തെടുത്തത്. ഉടന് തന്നെ ഇവരെ ആശുപത്രിയില് പ്രവേശിപ്പിച്ചുവെങ്കിലും രക്ഷിക്കാനായില്ല.
