തിരുവനന്തപുരം: പടക്കം പൊട്ടിക്കലില് കര്ശന നിയന്ത്രണങ്ങള് ഏര്പ്പെടുത്തി സര്ക്കാര്. അന്തരീക്ഷ മലിനീകരണം നിയന്ത്രിക്കുന്നതിന്റെ ഭാഗമായാണ് ഉത്തരവ് ഇറക്കിയത്. ആശുപത്രികള്, കോടതികള്, വിദ്യാഭ്യാസ സ്ഥാപനങ്ങള്, ആരാധനാലയങ്ങള് തുടങ്ങിയവയുടെ 100 മീറ്റര് ചുറ്റളവില് പടക്കം പൊട്ടിക്കാന് പാടില്ലെന്നാണ് സര്ക്കാറിന്റെ പുതിയ ഉത്തരവില് പറയുന്നത്.
സര്ക്കാര് ഉത്തരവ്. സുപ്രീംകോടതി ഉത്തരവും സംസ്ഥാന മലിനീകരണ നിയന്ത്രണ ബോര്ഡിന്റെ നിര്ദേശവും കണക്കിലെടുത്താണ് നടപടി. ഹരിത പടക്കങ്ങള് (110 ഡെസിബെല് ശബ്ദം) മാത്രമേ സംസ്ഥാനത്ത് വില്ക്കാനും ഉപയോഗിക്കാനും പാടുള്ളൂവെന്നും ഉത്തരവില് പറഞ്ഞു.
അതേ സമയം, ദീപാവലി ആഘോഷങ്ങളില് പടക്കം പൊട്ടിക്കുന്നത് രാത്രി എട്ടുമുതല് 10 വരെയും ക്രിസ്മസ്, പുതുവത്സര ആഘോഷങ്ങളില് രാത്രി 11.55 മുതല് പുലര്ച്ചെ 12.30 വരെയുമാക്കി നിയന്ത്രിച്ച് സംസ്ഥാന സര്ക്കാര് നേരത്തെ ഉത്തരവിറക്കിയിരുന്നു.
