തിരുവനന്തപുരം: എഡിഎം നവീന് ബാബുവിന്റെ മരണത്തില് റവന്യൂവകുപ്പിന്റെ അന്വേഷണ റിപ്പോര്ട്ട് മുഖ്യമന്ത്രിക്ക് കൈമാറി. നവീന് ബാബു കൈക്കൂലി വാങ്ങിയതിനും പമ്പിന് അനുമതി വൈകിപ്പിച്ചതിനും തെളിവില്ലെന്ന് റവന്യു വകുപ്പിന്റെ റിപ്പോര്ട്ടില് പറയുന്നു. തെറ്റുപറ്റിയെന്ന് നവീന് ബാബു പറഞ്ഞുവെന്ന കളക്ടറുടെ മൊഴിയും റിപ്പോര്ട്ടിലുണ്ട്. എന്നാല് തെറ്റുപറ്റിയെന്ന് ഏത് കാര്യത്തിലാണ് പറഞ്ഞെതെന്ന് റിപ്പോര്ട്ടിലില്ല. ലാന്ഡ് റവന്യൂ ജോയിന്റ് കമ്മീഷണറുടെ അന്വേഷണ റിപ്പോര്ട്ട് റവന്യൂ മന്ത്രി കെ രാജന് മുഖ്യമന്ത്രി പിണറായി വിജയന് കൈമാറി.
നവീന് ബാബു തനിക്ക് മുന്നില് വരുന്ന ഫയലുകള് വൈകിപ്പിച്ചിരുന്ന ആളല്ലെന്നും കൈക്കൂലി വാങ്ങിയെന്ന ആരോപണങ്ങള്ക്ക് യാതൊരു വിധ തെളിവും ഇല്ലെന്നും റിപ്പോര്ട്ടിലുണ്ട്. നവീന് ബാബുവിന്റെ യാത്രയയപ്പ് ചടങ്ങുമായി ബന്ധപ്പെട്ട വീഡിയോ മാധ്യമങ്ങള്ക്ക് കൈമാറിയത് മുന് ജില്ലാ പഞ്ചായത്ത് പ്രസിഡന്റ് പി പി ദിവ്യയാണെന്നും ജോയിന്റ് കമ്മീഷണര് തയ്യാറാക്കിയ റിപ്പോര്ട്ടിലുണ്ട്.
