കണ്ണൂര്: കണ്ണൂര് തോട്ടട ഐടിഐയില് കെഎസ്യുവും എസ്എഫ്ഐയും തമ്മില് സംഘര്ഷം. കെ എസ് യു പ്രവര്ത്തകര് കെട്ടിയ കൊടി എസ് എഫ് ഐ അഴിച്ചുമാറ്റി എന്ന് പറഞ്ഞാണ് വാക്കേറ്റമുണ്ടായത്. പിന്നീട് പുറത്തു നിന്നും കൂടുതല് കെഎസ് യു പ്രവര്ത്തകര് എത്തിയതോടെ പ്രശ്നം രൂക്ഷമായി. കെഎസ് യു- എസ് എഫ് ഐ പ്രവര്ത്തകര് ഏറ്റുമുട്ടി.
സംഭവത്തില് നിരവധി വിദ്യാര്ത്ഥികള്ക്ക് പരിക്കേറ്റു. പരിക്കേറ്റവരെ ആശുപത്രികളില് പ്രവേശിപ്പിച്ചു. സംഘര്ഷം കനത്തതോടെ പ്രവര്ത്തകര്ക്ക് നേരെ പൊലീസ് ലാത്തി വീശി ഓടിക്കുകയായിരുന്നു. ഐടിഐയില് തെരഞ്ഞെടുപ്പ് പ്രഖ്യാപിച്ചിരിക്കുകയാണ്. ഒക്ടോബറില് കെ എസ് യു ക്യാംപസില് യൂണിറ്റ് സ്ഥാപിച്ചു. ഇതേത്തുടര്ന്ന് ക്യാംപസില് സംഘര്ഷ സാധ്യത നിലനില്ക്കുകയായിരുന്നു.
