കോഴിക്കോട്: കോഴിക്കോട്ടെ സ്വകാര്യ ആശുപത്രിയില് ചികിത്സയില് തുടരുന്ന എംടി വാസുദേവന് നായരുടെ ആരോഗ്യനിലയില് നേരിയ പുരോഗതിയുണ്ടെന്ന് ഡോക്ടര്മാര്. ഇപ്പോള് മരുന്നുകളോട് പ്രതികരിക്കുന്നുണ്ടെന്നും കൈകാലുകള് ചലിപ്പിക്കാന് സാധിച്ചെന്നുമാണ് ഡോക്ടര്മാര് അറിയിച്ചത്. ഐസിയുവില് തന്നെ തുടരുമെന്നും അറിയിച്ചു.
ശ്വാസ തടസ്സത്തെ തുടര്ന്നാണ് എംടിയെ ഇന്നലെ ആശുപത്രിയില് പ്രവേശിപ്പിച്ചത്. പിന്നീട് ഹൃദയസ്തംഭനം ഉണ്ടായെന്നും ആരോഗ്യനില ഗുരുതരമാണെന്നുമുള്ള മെഡിക്കല് ബുള്ളറ്റിന് പുറത്തു വരികയായിരുന്നു. വിദഗ്ധ ഡോക്ടര്മാരുടെ സംഘമാണ് എം ടിയുടെ ആരോഗ്യസ്ഥിതി നിരീക്ഷിക്കുന്നത്. ഓക്സിജന് മാസ്കിന്റെയും മറ്റും സഹായത്തോടെ എം ടി ഐ സി യുവില് തുടരുകയാണ്.
അതേ സമയം, എംടിയെ സന്ദര്ശിക്കാന് ഇന്നലെ മന്ത്രിമാരായ എ കെ ശശീന്ദ്രന്, പി എ മുഹമ്മദ് റിയാസ്, ജെ ചിഞ്ചുറാണി, രാഷ്ട്രീയ നേതാക്കന്മാര്, സിനിമ രംഗത്തെ പ്രമുഖര് തുടങ്ങിയവര് ആശുപത്രിയില് എത്തിയിരുന്നു. മുഖ്യമന്ത്രി പിണറായി വിജയന് എംടി വാസുദേവന് നായരുടെ കുടുംബത്തെ ഫോണില് വിളിച്ച് ആരോഗ്യസ്ഥിതിയെ കുറിച്ച് സംസാരിച്ചിരുന്നു.
