മലപ്പുറം: വെളിയങ്കോട് വിദ്യാര്ഥികളുമായി സഞ്ചരിച്ച ടൂറിസ്റ്റ് ബസ് അപകടത്തില്പ്പെട്ട് വിദ്യാര്ഥിനിക്ക് ദാരുണാന്ത്യം. മലപ്പുറം മൊറയൂര് അറഫാ നഗര് സ്വദേശി മുജീബ് റഹ്മാന് ബാഖവിയുടെ മകള് ഫാത്തിമ ഹിബ(17)യാണ് മരിച്ചത്. വെളിയങ്കോട് ഫ്ലൈ ഓവറിലാണ് അപകടമുണ്ടായത്. പുലര്ച്ചെ നാല് മണിയോടെയായിരുന്നു സംഭവം.
അപകടത്തില് ഗുരുതരമായി പരിക്കേറ്റ മറ്റൊരു കുട്ടിയെ കോട്ടക്കലിലെ സ്വകാര്യ ആശുപത്രിയില് പ്രവേശിപ്പിച്ചു. ഇടുക്കിയില് നിന്ന് വിനോദയാത്ര കഴിഞ്ഞു മടങ്ങി വരുമ്പോള് ബസ് ഇലക്ട്രിക് പോസ്റ്റില് ഇടിക്കുകയായിരുന്നു. ഒഴുകൂര് പള്ളിമുക്ക് ഹയാത്തുല് ഇസ്ലാം മദ്രസ വിദ്യാര്ഥികളായിരുന്നു ബസിലുണ്ടായിരുന്നത്.
