തൃശൂര്: കുന്നംകുളത്ത് വീട്ടില് കയറി സ്ത്രീയെ കഴുത്തറുത്ത് കൊലപ്പെടുത്തി. കിഴക്ക് മുറി നാടന്ചേരി വീട്ടില് മണികണ്ഠന്റെ ഭാര്യ സിന്ധു (55)നെയാണ് കൊല്ലപ്പെട്ട നിലയില് കണ്ടെത്തിയത്. ഇന്നലെ വൈകിട്ട് ഏഴുമണിയോടെയാണ് സംഭവം. മുതുവറ സ്വദേശി കണ്ണന് പൊലീസ് പിടിയിലായി. നാട്ടുകാരാണ് പ്രതിയെ പിടികൂടിയത്.
സിന്ധുവിന്റെ ഭര്ത്താവ് വീട്ടു സാധനങ്ങള് വാങ്ങാന് പുറത്ത് പോയ സമയത്താണ് സംഭവം. വീടിനോട് ചേര്ന്ന് ധാന്യങ്ങള് പൊടിക്കുന്ന മില്ല് നടത്തുകയായിരുന്നു ഇവര്. സന്ധ്യയോടെ ഇവരുടെ വീടിനടുത്ത് ഒരു മാസ്ക് വച്ച് യുവാവിനെ കണ്ടവരുണ്ട്. ഭര്ത്താവ് വീട്ടിലെത്തിയപ്പോഴാണ് കൊലപാതക വിവരം അറിയുന്നത്. വെട്ടേറ്റ് കഴുത്ത് അറുത്തു മാറ്റിയ നിലയിലാണ് സ്ത്രീയെ കണ്ടെത്തിയത്. ഇവരുടെ ശരീരത്തില് ഉണ്ടായിരുന്ന സ്വര്ണാഭരണങ്ങള് നഷ്ടപ്പെട്ടിട്ടുണ്ട്.
