മലപ്പുറം: നിലമ്പൂര് ഫോറസ്റ്റ് സ്റ്റേഷന് അടിച്ചു തകര്ത്ത കേസില് പി വി അന്വര് എംഎല്എയ്ക്ക് ജാമ്യം. അന്വറിനെ കസ്റ്റഡിയില് വേണമെന്ന പൊലീസിന്റെ അപേക്ഷ നിലമ്പൂര് കോടതി തള്ളി. ഉപാധികളോടെയാണ് ജാമ്യം അനുവദിച്ചത്.
അന്പതിനായിരം രൂപയുടെ വീതം രണ്ട് ആള്ജാമ്യം, ഒന്നിടവിട്ട ബുധനാഴ്ചകളില് അന്വേഷണ ഉദ്യോഗസ്ഥന് മുന്നില് ഹാജരാകണം, പൊതുമുതല് നശിപ്പിച്ചതിന് 35,000 രൂപ കെട്ടിവെയ്ക്കണം, ആവശ്യപ്പെട്ടാല് ചോദ്യം ചെയ്യാന് ഹാജരാകണം, സാക്ഷികളെ സ്വാധീനിക്കരുത്, തെളിവ് നശിപ്പിക്കരുത്, സമാന കുറ്റകൃത്യത്തില് പങ്കാളിയാകരുത്, അന്വേഷണവുമായി സഹകരിക്കണം തുടങ്ങിയ വ്യവസ്ഥകളോടെയാണ് അന്വറിന് ജാമ്യം അനുവദിച്ചത്.
