കോഴിക്കോട്: മാധ്യമ പ്രവര്ത്തകയോട് അപമര്യാദയായി പെരുമാറിയ കേസില് ചോദ്യം ചെയ്യലിന് ഹാജരാകാന് സുരേഷ്ഗോപി നടക്കാവ് പൊലീസ് സ്റ്റേഷനിലെത്തി. ഇന്ന് 11.50ഓടെയാണ് സുരേഷ് ഗോപി നടക്കാവ് പൊലീസ് സ്റ്റേഷനിലെത്തിയത്.
ബിജെപി നേതാക്കളടക്കം പൊലീസ് സ്റ്റേഷന് മുന്നില് നൂറുകണക്കിന് ബിജെപി പ്രവര്ത്തകരാണ് മുദ്രാവാക്യംവിളികളുമായി പ്രതിഷേധിക്കുന്നത്. ഇംഗ്ലീഷ് പളളി മുതല് പൊലീസ് സ്റ്റേഷന് വരെ ബിജെപി സംസ്ഥാന അധ്യക്ഷന് കെ. സുരേന്ദ്രന്, ശോഭ സുരേന്ദ്രന്, എം.ടി. രമേഷ്, പി.കെ. കൃഷ്ണദാസ് തുടങ്ങിയ നേതാക്കളുടെ നേതൃത്വത്തില് നൂറുകണക്കിന് പ്രവര്ത്തകരാണ് പ്ലക്കാര്ഡുകളുമേന്തി പദയാത്ര നടത്തിയത്.
പ്രവര്ത്തകരെ പോലീസ് സ്റ്റേഷന് മുന്നില് തടഞ്ഞത് വാക്കേറ്റത്തിനിടയാക്കി. പോലീസ് കനത്ത സുരക്ഷയാണ് ഒരുക്കിയിരിക്കുന്നത്.
