കോട്ടയം: ചലച്ചിത്ര താരം വിനോദ് തോമസിന്റെ പോസ്റ്റ്മോര്ട്ടം റിപ്പോര്ട്ട് വന്നു. കാര്ബണ് മോണോക്സൈഡ് ശ്വസിച്ചതാണ് നടന്റെ മരണകാരണമെന്നാണ് റിപ്പോര്ട്ടില് പറയുന്നത്. കോട്ടയം മെഡിക്കല് കോളജില് നടത്തിയ പോസ്റ്റ്മോര്ട്ടത്തിലാണ് മരണ കാരണം വ്യക്തമായത്. കാറിനുള്ളില് മരിച്ച നിലയില് ഇന്നലെ ഉച്ചക്കാണ് വിനോദിനെ കണ്ടെത്തിയത്.
സ്റ്റാര്ട്ട് ചെയ്ത കാറില് എസി ഓണാക്കിയിട്ട ശേഷം ഗ്ലാസ് പൂട്ടി വിനോദ് ഇരിക്കുകയായിരുന്നു. പിന്നീട് മയക്കത്തിനിടെ വിഷവാതകം ശ്വസിച്ച് അബോധാവസ്ഥയിലായി മരണം സംഭവിച്ചു എന്നാണ് അനുമാനം. മരണത്തെ തുടര്ന്ന് പൊലീസ് വിനോദിന്റെ കാറില് നടത്തിയ പരിശോധനയില് അസ്വാഭാവികമായി ഒന്നും കണ്ടെത്തിയില്ല.
