തിരുവനന്തപുരം: തിങ്കളാഴ്ച മുതല് മഴ ശക്തമാകുമെന്ന് കാലാവസ്ഥ മുന്നറിയിപ്പ്. ബംഗാള് ഉള്ക്കടലില് ഞായറാഴ്ചയോടെ ചുഴലിക്കാറ്റ് രൂപപ്പെടുമെന്നാണ് അറിയിപ്പ്. തിങ്കളാഴ്ച പുലര്ച്ചയോടെ വടക്കന് തമിഴ്നാട്-തെക്കന് ആന്ധ്രാ തീരത്ത് എത്താനാണ് സാധ്യത.
ഇന്ന് അഞ്ച് ജില്ലകളില് യെല്ലോ അലര്ട്ട് പുറപ്പെടുവിച്ചിട്ടുണ്ട്. പത്തനംതിട്ട, എറണാകുളം, ഇടുക്കി, കോഴിക്കോട്, വയനാട് ജില്ലകളിലാണ് മഴ മുന്നറിയിപ്പ്. നാളെ നാല് ജില്ലകളില് യെല്ലോ അലര്ട്ടുണ്ട്. പത്തനംതിട്ട, കോട്ടയം, എറണാകുളം, ഇടുക്കി ജില്ലകളിലാണ് നാളെ യെല്ലോ അലര്ട്ട് പുറപ്പെടുവിച്ചത്.
