കൊച്ചി: സിപിഐ സംസ്ഥാന സെക്രട്ടറി കാനം രാജേന്ദ്രന്റെ വിയോഗത്തില് അനുശോചനം രേഖപ്പെടുത്തി മുഖ്യമന്ത്രി പിണറായി വിജയന്. നഷ്ടമായത് ഇടതുപക്ഷ ഐക്യത്തിന്റെ ശക്തിസ്തംഭങ്ങളിലൊന്നാണെന്ന് മന്ത്രി പറഞ്ഞു.
സഖാവ് കാനത്തിന്റെ വിയോഗം ഞെട്ടിക്കുന്നതാണ്. കമ്മ്യൂണിസ്റ്റ് പ്രസ്ഥാനത്തെ ശക്തിപ്പെടുത്തുന്നതില്, തൊഴിലാളിവര്ഗ്ഗ ഐക്യത്തെ ബലപ്പെടുത്തുന്നതില്, ജനാധിപത്യ പ്രസ്ഥാനങ്ങളെ പരിരക്ഷിക്കുന്നതില്, മതനിരപേക്ഷ മൂല്യങ്ങള് കാത്തു രക്ഷിക്കുന്നതില് ഒക്കെ സമാനതകളില്ലാത്ത സംഭാവനകളാണ് കാനം രാജേന്ദ്രന് നല്കിയതെന്നും മുഖ്യമന്ത്രി അനുശോചന സന്ദേശത്തില് പറഞ്ഞു.
കൂടാതെ നിരവധി ഉന്നത നേതാക്കളാണ് അനുശോചനമറിയിച്ചത്. പ്രതിപക്ഷ നേതാവ് വി.ഡി സതീശനും അനുശോചനമറിയിച്ചു. വ്യക്തിപരമായി തനിക്ക് വളരെ അടുത്ത ബന്ധമുണ്ടായിരുന്ന പൊതു പ്രവര്ത്തകനായിരുന്നുവെന്നും കഴിഞ്ഞ ആഴ്ച അദ്ദേഹത്തെ ആശുപത്രിയില് സന്ദര്ശിച്ചപ്പോള് ഉടന് ആശുപത്രി വിടുമെന്നായിരുന്നു പറഞ്ഞതെന്നും സതീശന് പറഞ്ഞു.
