തിരുവനന്തപുരം: കേരളത്തില് ഇന്ന് ഒറ്റപ്പെട്ട ഇടങ്ങളില് അതിശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. പത്തനംതിട്ട, എറണാകുളം ജില്ലകളില് ഇന്ന് യെല്ലോ അലര്ട്ട് പ്രഖ്യാപിച്ചിരിക്കുകയാണ്. മലയോര പ്രദേശങ്ങളിലും ജാഗ്രത മുന്നറിയിപ്പ് ഉണ്ട്.
കടലാക്രമണത്തിന് സാധ്യത ഉള്ളതിനാല് തീരദേശമേഖലയില് ജാഗ്രതാ നിര്ദേശം നല്കി. ബീച്ചിലേക്കുള്ള യാത്രകളും കടലില് ഇറങ്ങിയുള്ള വിനോദങ്ങളും പൂര്ണമായും ഒഴിവാക്കണമെന്നും മുന്നറിയിപ്പുണ്ട്. ശക്തമായി ഇടിയോട് കൂടിയുള്ള മഴയ്ക്കാണ് സാധ്യത.
