അയോധ്യ ക്ഷേത്ര പ്രതിഷ്ഠ ചടങ്ങിലേക്ക് ഗതാഗത മന്ത്രി കെ ബി ഗണേഷ്കുമാറിന് ക്ഷണം. ഗണേഷ് കുമാറിനെ സംഘാടകർ വാളകത്തെ വീട്ടിലെത്തിയാണ് ചടങ്ങിന് ക്ഷണിച്ചത്.
അയോധ്യയിലേക്ക് നിരവധി സിനിമാ താരങ്ങൾക്ക് ക്ഷണമുണ്ടെന്നാണ് പുറത്തുവരുന്ന വിവരം. അമിതാഭ് ബച്ചന്, മാധുരി ദീക്ഷിത്, അനുപം ഖേര്, അക്ഷയ് കുമാര്, പ്രമുഖ സംവിധായകരായ രാജ്കുമാര് ഹിരാനി, സഞ്ജയ് ലീല ബന്സാലി, രോഹിത് ഷെട്ടി, നിര്മ്മാതാവ് മഹാവീര് ജെയിന്, ചിരഞ്ജീവി, മോഹന്ലാല്, ധനുഷ്, റിഷബ് ഷെട്ടി തുടങ്ങിയവര്ക്കും ക്ഷണമുണ്ട്.
അതേസമയം, അയോധ്യയിലെ ക്ഷേത്ര പ്രതിഷ്ഠ ചടങ്ങിൽ പങ്കെടുക്കാൻ നടൻ രജനീകാന്ത് ജനുവരി 21 ന് അയോധ്യയിലെക്ക് പുറപ്പെടും. ഇദ്ദേഹത്തിനൊപ്പം ഭാര്യയും സഹോദരനുമുണ്ടാകും. കഴിഞ്ഞ ദിവസം ആർഎസ്എസ് നേതാക്കൾ രജനീകാന്തിന് വീട്ടിലെത്തി ക്ഷണക്കത്ത് കൈമാറിയിരുന്നു.
