തിരുവനന്തപുരം: വിഎച്ച്എസ്ഇ ഒന്നാം വര്ഷ പ്രവേശനത്തിനുള്ള അപേക്ഷകള് ഈ മാസം 16 മുതല് ആരംഭിക്കും. 25 നാണ് അപേക്ഷ സമര്പ്പിക്കേണ്ട അവസാന തിയ്യതി. 29 ന് ട്രയല് അലോട്ട്മെന്റും ജൂണ് 5 ന് ആദ്യ അലോട്ട്മെന്റും നടക്കും. ജൂണ് 24 ന് ക്ലാസുകള് ആരംഭിക്കും.
എച്ച്എസ്എസ്, വിഎച്ച്എസ്ഇ പരീക്ഷകള്ക്ക് ഉപരിപഠന യോഗ്യത നേടാനാകാത്തവര്ക്കുള്ള സേ പരീക്ഷയ്ക്കും മാര്ക്ക് മെച്ചപ്പെടുത്താനുള്ള ഇംപ്രൂവ്മെന്റ് പരീക്ഷയ്ക്കും 15 വരെ അപേക്ഷിക്കാം. ജൂണ് 12 മുതല് 24 വരെയാണ് പരീക്ഷ ഉണ്ടാവുക.
സേ പരീക്ഷ ആറ് വിഷയങ്ങളിലും എഴുതാം. എന്നാല് ഇംപ്രൂവ്മെന്റ് പരീക്ഷ ഒരു വിഷയത്തിലേ എഴുതാന് പറ്റുകയുള്ളൂ. ഉത്തരക്കടലാസ് പുനര്മൂല്യനിര്ണയം, സൂക്ഷ്മ പരിശോധന, പകര്പ്പെടുക്കല് എന്നിവയ്ക്ക് 14 വരെ അപേക്ഷ നല്കാം. സ്കൂള് വഴിയാണ് ഫീസ് അടച്ച് അപേക്ഷ നല്കേണ്ടത്.
