ദില്ലി: സംസ്ഥാനത്ത് കോവിഡ് രോഗികളുടെ എണ്ണത്തില് വര്ധനവ്. ഇന്നലെ 115 കേസുകളാണ് സ്ഥിരീകരിച്ചത്. ഇതോടെ കേരളത്തില് ആക്ടീവ് കേസുകള് 1749 ആയി ഉയര്ന്നതായി കേന്ദ്ര ആരോഗ്യ മന്ത്രാലയം അറിയിച്ചു.
ഇന്നലെ രാജ്യത്താകെ സ്ഥിരീകരിച്ചത് 142 കേസുകളായിരുന്നു. രാജ്യത്തെ ആക്ടീവ് കേസുകളില് 88.78 ശതമാനം കേസുകളും കേരളത്തിലാണ്. കോവിഡിന്റെ എണ്ണത്തില് വര്ധനവ് വന്നതോടെ സംസ്ഥാനങ്ങള്ക്ക് മാര്ഗനിര്ദേശം പുറപ്പെടുവിച്ച് ജാഗ്രത കര്ശനമാക്കാന് കേന്ദ്ര ആരോഗ്യമന്ത്രാലയം തീരുമാനിച്ചിട്ടുണ്ട്.
രാജ്യത്തെ ആകെ ആക്ടീവ് കേസുകളില് 89.38 ശതമാനവും നിലവില് കേരളത്തിലാണുള്ളത്. പരിശോധന ശക്തമാക്കണം, മാസ്ക് ഉപയോഗിക്കണം, ആര്ടിപിസിആര്, ആന്റിജന് പരിശോധനകള് വര്ദ്ദിപ്പിക്കണം. പോസിറ്റീവ് സാമ്പിളുകള് ജനിതക ശ്രേണീ പരിശോധന നടത്തണം തുടങ്ങിയ നിര്ദേശങ്ങളാണ് കേന്ദ്രം നല്കിയത്.
