കോഴിക്കോട്: കേരളത്തെ ഞെട്ടിച്ച കൂടത്തായി കൊലപാതക കേസുകള് റദ്ദാക്കണമെന്ന് ആവശ്യപ്പെട്ടുള്ള ഹര്ജി സുപ്രീം കോടതി ഇന്ന് പരിഗണിക്കും. കഴിഞ്ഞ ഏപ്രിലില് കേസിലെ മുഖ്യപ്രതി ജോളി നല്കിയ ഹര്ജിയാണ് സുപ്രീം കോടതിയുടെ പരിഗണനയിലുള്ളത്.
ഭൂമി തര്ക്കമാണ് കൊലപാതക കേസായി മാറിയത്. ഭര്ത്താവ് റോയ് തോമസിനെ കൊലപ്പെടുത്തിയ കേസില് ശാസ്ത്രീയ തെളിവുകളില്ലെന്നും കേസിലെ വിചാരണ നടപടികള് നിര്ത്തിവയ്ക്കണമെന്നും ഹര്ജിയില് ആവശ്യമുണ്ട്. തെളിവുകളുടെ അഭാവത്തില് കേസില് നിന്ന് കുറ്റവിമുക്തയാക്കണമെന്നുമാണ് ജോളിയുടെ ആവശ്യം. ജസ്റ്റിസുമാരായ എംഎം സുന്ദരേഷ്, എസ് വി എന് ഭട്ടി എന്നിവര് ഉള്പ്പെട്ട ബെഞ്ചാണ് ഹര്ജി പരിഗണിക്കുന്നത്.
