തിരുവനന്തപുരം: നാഗര്കോവില് – കന്യാകുമാരി പാതയില് അറ്റകുറ്റപ്പണി നടക്കുന്നതിനാല് വ്യാഴാഴ്ച 11 ട്രെയിനുകള് റദ്ദാക്കി. കൊച്ചുവേളി – നാഗര്കോവില് സ്പെഷ്യല് ഷെഡ്യൂള്, തിരുനെല്വേലി – നാഗര്കോവില് സ്പെഷ്യല് ട്രെയിന്, നാഗര്കോവില് – കന്യാകുമാരി സ്പെഷ്യല് ട്രെയിന്, കന്യാകുമാരി – കൊല്ലം മെമു എക്സ്പ്രസ്, കൊല്ലം – ആലപ്പുഴ സ്പെഷ്യല്, കൊല്ലം – തിരുവനന്തപുരം സ്പെഷ്യല് എന്നിവയാണ് റദ്ദാക്കിയത്.
ഇവ കൂടാതെ 14 ട്രെയിനുകള് ഭാഗീകമായും റദ്ദാക്കിയതായും ഈ പാതയിലെ അറ്റകുറ്റപണികള് ഇന്ന് അവസാനിച്ചേക്കുമെന്നും ദക്ഷിണ റെയില്വെ അറിയിച്ചു. വരും ദിവസങ്ങളില് മറ്റുപാതകളില് അറ്റകുറ്റപ്പണികള് ഉണ്ടായേക്കുമെന്നും ദക്ഷിണ റെയില്വെ അറിയിച്ചു.
