ഡല്ഹി: ലോക്സഭാ തെരഞ്ഞെടുപ്പിനുള്ള തങ്ങളുടെ പ്രകടന പത്രിക പുറത്തിറക്കി ബിജെപി. വേദിയില് ബിആര് അംബേദ്കറിന്റെയും ഭരണഘടനയുടെയും പ്രതിമയുമായി പ്രധാനമന്ത്രിയും കേന്ദ്ര ആഭ്യന്തര മന്ത്രി അമിത് ഷായും പ്രതിരോധ മന്ത്രി രാജ്നാഥ് സിംഗും ബിജെപി അധ്യക്ഷന് ജെപി നദ്ദയും ചേര്ന്ന് ഡല്ഹിയിലെ ബിജെപി ആസ്ഥാനത്ത് പാര്ട്ടി പ്രകടനപത്രിക പുറത്തിറക്കി. പ്രകടന പത്രികയിലൂടെ ഉന്നമനം ലക്ഷ്യമിടുന്ന വിവിധ വിഭാഗങ്ങളുടെ പ്രതിനിധികള്ക്ക് പ്രധാനമന്ത്രി നരേന്ദ്ര മോദി പ്രകടന പത്രിക കൈമാറി.
സ്ത്രീശക്തി, യുവശക്തി, കര്ഷകര്, പാവപ്പെട്ടവര് എന്നിങ്ങനെ വിക്ഷിത് ഭാരതിന്റെ നാല് തൂണുകളിലാണ് പ്രകടനപത്രിക ഊന്നല് നല്കുന്നതെന്ന് പ്രധാനമന്ത്രി പറഞ്ഞു. ജീവിതത്തിന്റെ ഗുണനിലവാരത്തിലും അവസരങ്ങളുടെ അളവിലും അവസരങ്ങളുടെ ഗുണനിലവാരത്തിലും ഇത് ശ്രദ്ധ കേന്ദ്രീകരിക്കുന്നുവെന്ന് അദ്ദേഹം പറഞ്ഞു. എല്ലാ വീടുകളിലും പൈപ്പ് ഗ്യാസ് എത്തിക്കുന്നതിലും സൗരോര്ജത്തിലൂടെ സൗജന്യ വൈദ്യുതി നല്കുന്നതിലും സര്ക്കാര് ശ്രദ്ധ കേന്ദ്രീകരിക്കുമെന്ന് പ്രധാനമന്ത്രി പറഞ്ഞു.
മൂന്ന് കോടി സ്ത്രീകള്ക്ക് ലക്ഷം രൂപ വരുമാനം ഉറപ്പാക്കുമെന്നും ലഖ്പതി ദീദി പദ്ധതിയിലൂടെ ഒരു കോടി ആളുകള്ക്ക് നിലവില് ഈ ആനുകൂല്യം ലഭിച്ചിട്ടുണ്ടെന്നും പ്രകടനപത്രികയില് പറയുന്നു. കാര്ഷിക മേഖലയില് അടിസ്ഥാന സൗകര്യം വികസിപ്പിക്കും. ദേശീയ വിദ്യാഭ്യാസ നയം നടപ്പാക്കും. ഗ്ലോബല് മാനുഫാക്ചറിങ് ഹബ് ആയി രാജ്യത്തെ മാറ്റും. ലോകമാകെ രാമായണ ഉത്സവം സംഘടിപ്പിക്കും. അയോധ്യയില് കൂടുതല് വികസനം ഉറപ്പാക്കും. കൂടുതല് വന്ദേ ഭാരത് ട്രെയിനുകള് ആരംഭിച്ച് വെയ്റ്റിങ് ലിസ്റ്റ് ബുദ്ധിമുട്ടുകള് അവസാനിപ്പിക്കുമെന്ന് പ്രധാനമന്ത്രി പറഞ്ഞു.
കേന്ദ്രത്തിന്റെ സൗജന്യ റേഷന് പദ്ധതി അഞ്ച് വര്ഷത്തേക്ക് കൂടി നീട്ടുമെന്ന് പ്രകടനപത്രികയില് പറയുന്നു. പയറുവര്ഗ്ഗങ്ങള്, ഭക്ഷ്യ എണ്ണകള്, പച്ചക്കറികള് എന്നിവയുടെ ഉല്പാദനത്തില് സ്വയം ആശ്രയിക്കുന്നതില് സര്ക്കാര് ശ്രദ്ധ കേന്ദ്രീകരിക്കുമെന്നും വില സ്ഥിരത കൈവരിക്കാനും പാവപ്പെട്ടവരുടെ പ്ലേറ്റുകള് സംരക്ഷിക്കാനും ശ്രമിക്കും. ആയുഷ്മാന് ഭാരത് പദ്ധതിയും പ്രധാനമന്ത്രി ആവാസ് യോജനയും വിപുലീകരിക്കുമെന്നും എല്ലാ വീടുകളിലും കുടിവെള്ളം എത്തിക്കുമെന്നും പറഞ്ഞു. വടക്ക് – തെക്ക് ബുള്ളറ്റ് ട്രെയിന് കോറിഡോര് സംബന്ധിച്ച് സാധ്യതാ പഠനം നടത്തും. 6 ജി സങ്കേതിക വിദ്യ വികസിപ്പിക്കും. വൈദ്യുതി ബില് പൂജ്യമാക്കാന് ശ്രമിക്കും. വൈദ്യുതിയിലൂടെ വരുമാനം ഉറപ്പാക്കാന് ശ്രമിക്കും. മുദ്ര യോജന ലോണ് തുക 10 ലക്ഷത്തില് നിന്ന് 20 ലക്ഷമാക്കും. പ്രധാന മന്ത്രി ആവാസ് യോജനയിലൂടെ മൂന്ന് കോടി വീടുകള് കൂടി നിര്മ്മിക്കും. പെട്രോളിയം ഉത്പന്നങ്ങളുടെ നികുതി കുറയ്ക്കും. 70 ന് മുകളില് ഉള്ള എല്ലാവര്ക്കും ആയുഷ്മന് ഭാരത് പദ്ധതിയില് ഉള്പ്പെടുത്തി സൗജന്യ ചികിത്സ ഉറപ്പാക്കുമെന്ന് വാഗ്ദാനങ്ങളില് പറയുന്നു.
ഏക സിവില് കോഡ് നടപ്പാക്കുമെന്നും സ്ത്രീകള്ക്ക് തുല്യ നീതി ഉറപ്പാക്കാന് യുസിസി അനിവാര്യമാണെന്നും ബിജെപിയുടെ പ്രകടനപത്രികയില് പറയുന്നു. കര്ഷകര്ക്ക്, 6,000 രൂപ വാര്ഷിക സഹായം നല്കുന്നത് തുടരുമെന്നും സാങ്കേതികവിദ്യ ഉപയോഗിച്ച് വിള ഇന്ഷുറന്സ് പദ്ധതി ശക്തിപ്പെടുത്തുമെന്നും ബിജെപി പ്രകടനപത്രികയില് പറയുന്നു. വിളകള്ക്കുള്ള മിനിമം താങ്ങുവിലയില് സര്ക്കാര് കാലാനുസൃതമായ വര്ദ്ധനവ് തുടരുമെന്നും അവശ്യവസ്തുക്കള് ഉല്പ്പാദിപ്പിക്കുന്നതിന് പുതിയ ക്ലസ്റ്ററുകള് സ്ഥാപിക്കുമെന്നും കൂടുതല് സംഭരണ സൗകര്യങ്ങള് നിര്മ്മിക്കുമെന്നും രേഖയില് പറയുന്നു. വികസിത രാജ്യങ്ങള് സമ്പദ്വ്യവസ്ഥയ്ക്കും പൗരന്മാരുടെ ആരോഗ്യത്തിനും മുന്ഗണന നല്കുമ്പോള്, നരേന്ദ്ര മോദി സര്ക്കാരിന്റെ നിര്ണായക നടപടികള് ഇന്ത്യയെ കൊവിഡിന്റെ ആഘാതത്തില് നിന്ന് കരകയറാന് സഹായിച്ചതായി കോവിഡ് പാന്ഡെമിക്കിനെ പരാമര്ശിച്ച് ബിജെപി മേധാവി പറഞ്ഞു.
ഒമ്പത് മാസത്തിനുള്ളില് രണ്ട് വാക്സിനുകളും 220 കോടി ഡോസുകളും ഇന്ത്യ കൊണ്ടുവന്നുവെന്നും മറ്റ് രാജ്യങ്ങളിലേക്ക് ഷോട്ടുകള് എത്തിക്കാന് സഹായിച്ചതായും അദ്ദേഹം പറഞ്ഞു. മോദിയുടെ ഗ്യാരന്റി 24 കാരറ്റ് സ്വര്ണ്ണമായി കണക്കാക്കപ്പെടുന്നു. അതിനാല് ഞങ്ങളുടെ പ്രകടനപത്രിക ലോകമെമ്പാടുമുള്ള പാര്ട്ടികളുടെ പ്രകടന പത്രികയുടെ സുവര്ണ്ണ നിലവാരമാണെന്ന് സിങ് പറഞ്ഞു. മാധ്യമങ്ങളെ അഭിസംബോധന ചെയ്യവെ, കഴിഞ്ഞ പത്ത് വര്ഷത്തില് ബിജെപി സര്ക്കാരിന്റെ നേട്ടങ്ങളുടെ ചുരുക്കവിവരണം നദ്ദ പറഞ്ഞു. ബിജെപിയുടെ പ്രധാന തിരഞ്ഞെടുപ്പ് മുദ്രാവാക്യമായ ‘മോദി കി ഗ്യാരണ്ടി’ എല്ലാ ഉറപ്പുകളും നിറവേറ്റപ്പെടുമെന്ന ഉറപ്പാണ് എന്ന് അദ്ദേഹം ആവര്ത്തിച്ചു.
