കൊച്ചി: ലൈംഗികാരോപണ കേസില് നടന് സിദ്ദിഖിന്റെ മുന്കൂര് ജാമ്യാപേക്ഷയില് ഹൈക്കോടതി ഇന്ന് വിധി പറയും. തിരുവനന്തപുരം മ്യൂസിയം പൊലീസ് രജിസ്റ്റര് ചെയ്ത കേസിലാണ് മുന്കൂര് ജാമ്യാപേക്ഷ നല്കിയത്.
തനിക്കെതിരായ ആരോപണങ്ങള് ആടിസ്ഥാന രഹിതമാണെന്നും മുന്കൂര് ജാമ്യം അനുവദിക്കണമെന്നുമാണ് സിദ്ദിഖിന്റെ ആവശ്യം. വര്ഷങ്ങള്ക്കു മുന്പ് യുവനടി ഉന്നയിച്ച ആരോപണങ്ങളില് ബലാത്സംഗ പരാതി ഉണ്ടായിരുന്നില്ല. തന്നെ അപമാനിക്കുകയെന്ന ലക്ഷ്യമാണ് പരാതിക്കു പിന്നിലുള്ളതെന്നും അന്വേഷണവുമായി സഹകരിക്കുമെന്നും സിദ്ദിഖിന്റെ ജാമ്യാപേക്ഷയില് പറയുന്നു.
