മലപ്പുറം: പടിക്കലില് ദേശീയപാതയില് ബൈക്ക് അപകടത്തില് പെട്ട് രണ്ട് യുവാക്കള്ക്ക് ദാരുണാന്ത്യം. കോട്ടക്കല് പടപ്പരമ്പ് പാങ്ങ് സ്വദേശികളായ റനീസ് (19), എം ടി നിയാസ് (19) എന്നിവരാണ് മരിച്ചത്. ബൈക്ക് കോണ്ക്രീറ്റ് ഡിവൈഡറില് ഇടിച്ചാണ് അപകടമുണ്ടായത്.
ഇന്നലെ രാത്രി പതിനൊന്ന് മണിയോടെയായിരുന്നു അപകടം. ഓടിക്കൂടിയ നാട്ടുകാരാണ് ഇരുവരെയും സമീപത്തെ ആശുപത്രിയിലെത്തിച്ചത്. പരിക്ക് ഗുരുതരമായതിനാല് നിയാസിനെ ഉടന് തന്നെ കോഴിക്കോട് മെഡിക്കല് കോളജിലേക്ക് മാറ്റിയിരുന്നു. എന്നാല് സാരമായി പരിക്കേറ്റ ഇരുവരുടേയും ജീവന് രക്ഷിക്കാനായില്ല.
