കൊല്ലം: ഗാര്ഹിക പീഡനത്തെ തുടര്ന്ന് മലയാളിയായ കോളജ് അധ്യാപിക നാഗര്കോവിലില് ആത്മഹത്യ ചെയ്ത നിലയില്. കൊല്ലം പിറവന്തൂര് സ്വദേശി ശ്രുതി (25) ആണ് മരിച്ചത്. സ്ത്രീധന പീഡനത്തെ തുടര്ന്നാണ് ശ്രുതി ജീവനൊടുക്കിയത് എന്ന് ബന്ധുക്കള് ആരോപിച്ചു. ആറു മാസം മുന്പായിരുന്നു ശ്രുതിയുടെ വിവാഹം.
കൊല്ലം സ്വദേശികളായ ബാബു- ദേവി ദമ്പതികളുടെ മകളാണ് ശ്രുതി. ബാബു തമിഴ്നാട്ടിലെ ഇലക്ട്രിസിറ്റി ബോര്ഡിലെ എന്ജിനിയറാണ്. ശ്രുതി എംഎ പൂര്ത്തിയാക്കി കോളജില് അസിസ്റ്റന്റ് പ്രൊഫസറായി ജോലി ചെയ്ത് വരികയാണ്. അതിനിടെയാണ് തമിഴ്നാട്ടിലെ ഇലക്ട്രിസിറ്റി ബോര്ഡിലെ തന്നെ ജീവനക്കാരനായ തമിഴ്നാട് സ്വദേശി കാര്ത്തിക്കുമായി ശ്രുതിയുടെ വിവാഹം നടക്കുന്നത്.
