കണ്ണൂര്: കണ്ണൂര് ജില്ലാ പഞ്ചായത്ത് പ്രസിഡന്റ് തെരഞ്ഞെടുപ്പ് ഇന്ന്. പിപി ദിവ്യ രാജിവച്ചതിനെ തുടര്ന്നാണ് തെരഞ്ഞെടുപ്പ് നടക്കുന്നത്. പകല് പതിനൊന്ന് മണിക്കാണ് തെരഞ്ഞെടുപ്പ്. എഡിഎമ്മിന്റെ വിവാദ യാത്രയയപ്പ് യോഗം നടന്നിട്ട് ഇന്ന് ഒരുമാസം തികയുമ്പോള് അതേ ദിവസം തന്നെയാണ് പുതിയ ജില്ലാ പഞ്ചായത്ത് പ്രസിഡന്റ് തെരഞ്ഞെടുപ്പും നടക്കുന്നത്.
ആരോഗ്യ, വിദ്യാഭ്യാസ സ്ഥിരം സമതി ചെയര്പേഴ്സണ് കെ രത്നകുമാരിയാണ് എല്ഡിഎഫിന്റെ പ്രസിഡന്റ് സ്ഥാനാര്ഥി. യുഡിഎഫ് സ്ഥാനാര്ഥിയായി കോണ്ഗ്രസിലെ ജൂബിലി ചാക്കോ മത്സരിക്കുന്നത്. ഫലപ്രഖ്യാപനത്തിനു ശേഷം ഉച്ചയോടെ കലക്ടറുടെ സാന്നിധ്യത്തില് പുതിയ പ്രസിഡന്റ് അധികാരമേല്ക്കും.
