കണ്ടല ബാങ്ക് തട്ടിപ്പ് കേസിൽ അറസ്റ്റിലായ മുൻ ബാങ്ക് പ്രസിഡന്റ് എൻ ഭാസുരാംഗന്റെ വീട്ടിൽ വീണ്ടും ഇഡി റെയ്ഡ്. തിരുവനന്തപുരം മാറനെല്ലൂരിലെ വീട്ടിലാണ് പരിശോധന നടക്കുന്നത്. വീട് ഇഡി നേരത്തെ സീൽ ചെയ്തിരുന്നു.
രണ്ടാഴ്ച മുൻപ് നടന്ന പരിശോധനയിൽ ഭാസുരാംഗന്റെ വീട് ഇഡി റെയ്ഡ് ചെയ്ത് സീൽ ചെയ്തിരുന്നു. പീന്നീട് കൊച്ചിയിലേക്ക് ചോദ്യം ചെയ്യാനായി വിളിപ്പിച്ച ഭാസുരാംഗനെ എിഎംഎൽഎ നിയമ പ്രകാരം അറസ്റ്റ് ചെയ്യുകയും ഇപ്പോൾ ജുഡീഷ്യൽ കസ്റ്റഡിയിലുമാണ്ഭാസുരംഗൻ. ഇതിനു പിന്നാലെയാണ് ഇന്നും ഇഡി ഉദ്യോഗസ്ഥർ ഭാസുരാഗന്റെ വീട്ടിൽ റെയ്ഡ് നടത്തുന്നത്.
കഴിഞ്ഞ ദിവസം സമർപ്പിച്ച ഇഡിയുടെ റിമാൻഡ് റിപ്പോർട്ടിൽ സംഘടിതമായൊരു കുറ്റ കൃത്യമാണ് നടന്നിരിക്കുന്നതെന്ന് സൂചിപ്പിച്ചിരുന്നു. അന്വേഷണം കൂടുതൽ പേരിലേക്കും വ്യാപിപ്പിക്കുമെന്നും റിപ്പോർട്ടിൽ വ്യക്തമാക്കിയിരുന്നു.
