തിരുവനന്തപുരം: കേരളത്തില് അടുത്ത മണിക്കൂറുകളില് ശക്തമായ മഴയ്ക്ക് സാധ്യതയെന്ന് കാലാവസ്ഥ പ്രവചനം. തിരുവനന്തപുരം അടക്കം നാലു ജില്ലകളില് ശക്തമായ കാറ്റിനും മഴയ്ക്കും മുന്നറിയിപ്പുണ്ട്. തിരുവനതപുരം, കോഴിക്കോട്, വയനാട്, കണ്ണൂര് ജില്ലകളില് ഒറ്റപ്പെട്ടയിടങ്ങളില് ഇടിമിന്നലോടു കൂടിയ മഴയ്ക്കും മണിക്കൂറില് 40 കിലോമീറ്റര് വരെ വേഗതയില് ശക്തമായ കാറ്റിനും സാധ്യതയുണ്ട്.
മണിക്കൂറില് അഞ്ചു മുതല് 15 മില്ലിമീറ്റര് വരെ മഴ പെയ്തേക്കാമെന്നാണ് കാലാവസ്ഥ വകുപ്പിന്റെ പ്രവചനം. എറണാകുളം, ഇടുക്കി, തൃശൂര്, കോഴിക്കോട്, വയനാട് ജില്ലകളില് യെല്ലോ അലര്ട്ടുമുണ്ട്. ഇടിമിന്നല് അപകടകാരികളായതിനാല് അതീവ ജാഗ്രത പാലിക്കണമെന്ന് അധികൃതര് നിര്ദേശിച്ചു.
