ഈ വർഷത്തെ എഴുത്തച്ഛൻ പുരസ്കാരം ചരിത്രകാരനും ഭാഷാ പണ്ഡിതനും നിരൂപകനുമായ പ്രഫ. എസ്. കെ. വസന്തന്. അഞ്ചു ലക്ഷം രൂപയും പ്രശസ്തിപത്രവും ശിൽപവുമാണ് പുരസ്കാരം. നിരൂപകന്, ചിന്തകന്, നോവലിസ്റ്റ് തുടങ്ങിയ നിലകളില് ദശാബ്ദങ്ങളായി കേരളത്തിന്റെ സാംസ്കാരികമണ്ഡലത്തില് നിറഞ്ഞുനില്ക്കുന്ന വ്യക്തിത്വമാണ് എസ് കെ വസന്തൻ മാഷ്. ഗവേഷണപഠനകാലത്ത് എഴുതിയ കേരളചരിത്രനിഘണ്ടുവിനെ വിപുലീകരിച്ച് തയ്യാറാക്കിയ കേരള സംസ്കാരചരിത്രനിഘണ്ടു വസന്തന്മാഷ് കേരളത്തിനു നല്കിയ ഏറ്റവും വലിയ സംഭാവനകളിലൊന്നാണ്. മലയാളം കണ്ട ഏറ്റവും കനപ്പെട്ട റഫറന്സ് ഗ്രന്ഥങ്ങളില് ഒന്നുകൂടിയാണ് കേരള സംസ്കാരചരിത്രനിഘണ്ടു
കേരള സംസ്കാര ചരിത്ര നിഘണ്ടു, നമ്മൾ നടന്ന വഴികൾ, പടിഞ്ഞാറൻ കാവ്യമീംമാസ, സാഹിത്യ സംവാദങ്ങൾ തുടങ്ങിയവയാണ് മറ്റ് പ്രധാന കൃതികൾ. വൈവിദ്ധ്യമാര്ന്ന സാഹിത്യശാഖകളിലായി നാല്പതിലധികം കൃതികള് വസന്തന്മാഷ് രചിച്ചിട്ടുണ്ട്.
